 |
លោក លីសុភ័ក្តិ ប្រធានក្រុមប្រឹក្សាភិបាល
លោក លី សុភ័ក្តិ កំពុងសិក្សាបន្ត លើកម្មវិធី ACCA/CPA ពី Cam-Ed និងបានបញ្ចប់ថ្នាក់បរិញ្ញាបត្រ គណនេយ្យ ពីវិទ្យាស្ថានបច្ចេកវិទ្យានិងគ្រប់គ្រង ក្នុងឆ្នាំ ២០០៦។ លោក លី សុភ័ក្តិ បានចូលរួម វគ្គបណ្តុះបណ្តាលជាច្រើន ទាំងក្នុងប្រទេស និងក្រៅប្រទេស។ លោក លី សុភ័ក្តិ មានបទពិសោធន៍ច្រើនជាង ២០ឆ្នាំ ក្នុងវិស័យមីក្រូហិរញ្ញវត្ថុ។ លោក លី សុភ័ក្តិ បានចាប់ផ្តើម អាជីពការងារ តាំងពីខែ មិថុនា ឆ្នាំ២០០៣ ជាមួយ នឹងគ្រឹះស្ថានមីក្រូហិរញ្ញវត្ថុមួយ ក្នុងតួនាទីផ្សេងៗគ្នា ដូចជា គណនេយ្យករ មន្រ្តីត្រូតពិនិត្យ ហិរញ្ញវត្ថុ មន្រ្តីជាន់ខ្ពស់ត្រួតពិនិត្យហិរញ្ញវត្ថុ នាយករង នាយកដ្ឋានហិរញ្ញវត្ថុ និង នាយក នាយកដ្ឋានប្រតិបត្តិការ។ ក្នុងខែមករា ឆ្នាំ២០១៤ លោក លី សុភ័ក្តិ មានតួនាទីជា ប្រធានគ្រប់គ្រង នៃអង្គការស្ថាបនាសហគមន៍កម្ពុជា និងបានបំរើការងារជា ប្រធាននាយក ប្រតិបត្តិ នៃគ្រឹះស្ថាន វិថីម៉ាយក្រូហ្វាយនែន ម.ក ក្នុងឆ្នាំ ២០១៧ ។ បច្ចុប្បនេះ លោក លី សុភ័ក្តិ ជាស្ថាបនិក និងជាប្រធានក្រុមប្រឹក្សាភិបាល នៃគ្រឹះស្ថាន វិថី ម៉ាយក្រូហ្វាយនែន ម.ក។ |
 |
លោក ហេង ចេង អនុប្រធានក្រុមប្រឹក្សាភិបាល លោក ហេង ចេង ជនជាតិខ្មែរ កើតនៅថ្ងៃទី ០២ ខែកុម្ភៈ ឆ្នាំ១៩៤៧។ បច្ចុប្បន្ន លោក មានមុខងារជាអភិបាល នៃ វិថីម៉ាយក្រូហ្វាយនែនម.ក, ជាសមាជិកក្រុមប្រឹក្សាភិបាល នៃអង្គការស្ថាបនាសហគមន៍កម្ពុជា និងជាទីប្រឹក្សាគណកម្មាភិបាលប្រិយសម្ព័ន្ធគ្រិស្ទបរិស័ទកម្ពុជា។ លោក ហេង ចេង បានចូលរួមវគ្គបណ្តុះបណ្តាលជាច្រើនទាំងក្នុងប្រទេស និងក្រៅប្រទេស លើការអភិវឌ្ឍន៍អ្នកដឹកនាំ វិជ្ជាគ្រប់គ្រងមនុស្ស និងបទគម្ពីរគ្រឹស្ទសាសនាជាដើម។ |
 |
លោកបណ្ឌិត អ៊ួង គឹមសេង អភិបាលឯករាជ្យ លោកបណ្ឌិត អ៊ួង គឹមសេង ជាអ្នកជំនាញខ្មែរដ៏លេចធ្លោមួយរូប កើតនៅឆ្នាំ ១៩៧២ បច្ចុប្បន្នបាន និងកំពុងបំពេញតួនាទីជាអភិបាលឯករាជ្យនៃគ្រឹះស្ថានវីថី មីក្រូហិរញ្ញវត្ថុ ភីអិលស៊ី ចាប់តាំងពីឆ្នាំ ២០១៧។ ជាមួយនឹងបទពិសោធន៍យ៉ាងទូលំទូលាយក្នុងវិស័យហិរញ្ញវត្ថុអស់រយៈពេលជាង ២៧ ឆ្នាំ លោកបណ្ឌិត គឹមសេង បានបំរើការងារជាអគ្គនាយកជាង ១៧ ឆ្នាំក្នុងតួនាទីជាអ្នកដឹកនាំក្នុងវិស័យមីក្រូហិរញ្ញវត្ថុ និងភតិសន្យាហិរញ្ញវត្ថុ ដោយលើកតម្កើងជំនាញដ៏រឹងមាំក្នុងប្រតិបត្តិការអាជីវកម្មប្រចាំថ្ងៃ ការត្រួតពិនិត្យហិរញ្ញវត្ថុ ទំនាក់ទំនងអតិថិជន និងការអភិវឌ្ឍន៍ធនធានមនុស្ស។ លោកបណ្ឌិត គឹមសេង បានដឹកនាំអាជីវកម្មអាជីវកម្មជាច្រើនដោយជោគជ័យ និងកាន់តំណែងជាអ្នកដឹកនាំសំខាន់ៗ នៅក្នុងងស្ថាប័នផ្សេងៗ ដោយបង្ហាញពីជំនាញក្នុងការគ្រប់គ្រងសាជីវកម្ម ការកែលម្អដំណើរការអាជីវកម្ម និងការគ្រប់គ្រងថវិកា។ លោកបណ្ឌិត គឹមសេង ក៏មានភាពប៉ិនប្រសប់ក្នុងការអភិវឌ្ឍន៍ធនធានមនុស្ស និងការវិភាគហានិភ័យទីផ្សារ ដែលបញ្ជាក់ពីការយល់ដឹងដ៏ទូលំទូលាយអំពីទិដ្ឋភាពហិរញ្ញវត្ថុ។ ក្រៅពីសមិទ្ធិផលក្នុងវិស័យឯកជន លោកបណ្ឌិត គឹមសេង បានចូលរួមចំណែកជាង ៧ ឆ្នាំ ក្នុងការបម្រើសេវាសាធារណៈ នៅក្នុងក្រសួងកសិកម្ម រុក្ខាប្រម៉ាញ់ និងនេសាទ និងក្រសួងអភិវឌ្ឍជនបទ ដែលលោកបានបង្កើតមូលដ្ឋានគ្រឹះដ៏រឹងមាំក្នុងភាពជាអ្នកដឹកនាំ និងការគ្រប់គ្រងស្ថាប័ន។ បទពិសោធន៍ចម្រុះរបស់គាត់ធ្វើឱ្យគាត់ក្លាយជាទ្រព្យសម្បត្តិដ៏មានតម្លៃ ក្នុងការជំរុញកំណើនប្រកបដោយនិរន្តរភាព និងជំរុញការផ្លាស់ប្តូរជាវិជ្ជមាននៅក្នុងឧស្សាហកម្មហិរញ្ញវត្ថុ។ |
